prince of pirsia
عاشق جديد
عدد الرسائل : 11
تاريخ التسجيل : 14/03/2009
نقاط : 1
صوت للعضو : 0
 | موضوع: اللي مضيع ذهب  السبت مارس 14, 2009 9:38 am | |
| بالغربة شفت التعب وتعلمت معناه
وتعلمت عالسهر..والسكته...والصفناه
ذليت ذل النهر من ينكطع مجراه
وعرفت
وعرفت كلشي عرفت...
حتى النخل ينحني...
الريح السفر من يجي وجايب غريب وياه
الله....يا هالوطن...الله
شمسوي بيه الله...
نيرانه مثل الثلج
كلما تدك عالضلع..
ابرد واكول اشاه....
اللي مضيع ذهب...
بسوك الذهب يلكاه
واللي مفارك محب يمكن سنة وينساه
والطاح منه الكلب...كلب اصطناعي انلكه
ويشكلونه اهناه
بس المضيع وطن
وين الوطن يلكاه؟؟؟؟
اااه يا وطن يا خبز..
يالشارتك تكتل
ايا وطن يا طفل هنيال من صاغ الك
نيض الكلب جنجل
يا وطن زفة كمر ونجوم اله تهلهل
عذبني ما عذبك واكتلني ما اكتلك
طبع اليحب ينكتل موش اليحب يكتل
ايا وطن يا نغم
صوت الحرب بيك اجمل من غنه البلبل
ايا وطن يا جذر والجذر هم بيه طبع
لو مات من العطش للوادي ما ينزل
علمني الفراك
اعزف لحن غربتي بقيثارة اشواك
واسهر..واحن..وانفعل واتمنى واشتاك
كل ساع اريد انكسر مثل الكلاص البيد سكران
ومثل الكلاده البدرب
بس اغفل انباك
علمني الفراك...
ما مش مثل ديرتي ولا نلكه مثل عراكنا عراك
جيتج يكاع الطيب جيت بكلب مضروب زنجيل
خايف عليه انوب ينباك
جيت اشمر قميصي عالنخل ويصير الج طاك
ويوم تهجم سيوف الريح
لو نلكه نخلنه مذبح من الساك
ما نبجي ونصدك الصار
ندري بكاعته كلبين
كلب يضم جذرته وكلب يحمي الساك
لو تهجم سيوف الريح
نبقى بوجه كسرى نصيح لا مو انته بالتاريخ
مو انته البنيت الطاك
وسيوف الخشب ما طيحت عصف
بسيوف الخشب تكدر تطيح عراك؟؟؟؟
هذا عراكنا المهيوب بي خيال...
لو مر على جرف الهور
ثلثين الكصب يطلع وراه تفاك
ولو نمشي طول العمر ما نلكه مثل عراكنة
عرااااااااااااااااااااااك....
تحياتي | |
|
عاشق حبيبتي
المدير
عدد الرسائل : 4094
العمر : 34
البلد : قلب حبيبتي
تاريخ التسجيل : 24/09/2008
نقاط : 11266
صوت للعضو : 28
| | موضوع: رد: اللي مضيع ذهب السبت مارس 14, 2009 10:41 am | |
| موضوع اكثر من رائع
عاشت الايادي | |
|
prince of pirsia
عاشق جديد
عدد الرسائل : 11
تاريخ التسجيل : 14/03/2009
نقاط : 1
صوت للعضو : 0
| | موضوع: رد: اللي مضيع ذهب السبت مارس 14, 2009 1:49 pm | |
| | |
|
